يا هلا وسهلا

بالتسويق وصلت لك،مستعد تشوف مشروعك وين يوصل؟

أنا هنا أساعد مشروعك يلقى فرصته الصحيحة في السوق. بخطة تسويقية ذكية وإعلانات مدفوعة محسوبة، أساعدك ترفع حضورك وتكبر، ومع تحسين ظهورك في قوقل والسوشال ميديا، بتشوف اسمك يوصل للناس بدون ما تزيد التكاليف

الفكرة بسيطة: نشتغل صح، ونخلي مشروعك يحكي عنك

وراء كل فكرة... كل خطوة... كل تنفيذ

كان يا مكان

من أول يوم دخلت فيه عالم التسويق الرقمي، كان هدفي أساعد المشاريع الصغيرة والمتوسطة، وحتى الكبيرة، تترك بصمتها في السوق. كنت أكتب أول بوستاتي وأسأل نفسي: كيف أخلي الكلمات توصل للناس وتحكي بلغتهم وتشبههم؟ ما كان هدفي بس أكتب محتوى، كنت أبغى أبني جسر تواصل حقيقي بين العلامة التجارية وجمهورها. ومع كل مشروع مرّ عليّ، كنت أتعلم أكثر عن احتياجات الناس، وكيف نوصل لهم الرسالة الصح، بالأسلوب الصح، في الوقت الصح. ومن هنا بدأت رحلتي، رحلة شغف مستمرة عشان أساعد كل مشروع يلقى مكانه في قلوب عملائه

تعلمت من التجربة

أأول تجاربي كانت مع مشروع إنساني يخدم مصابي السكري، وهي فئة ما يحس بمعاناتها إلا من عاشها. من هالمشروع تعلمت أوصل للاحتياج الحقيقي بعيد عن الكلام التسويقي التقليدي اللي بس يركز على المبيعات. تعلمت كيف أتواصل مع مجتمع يبحث عن حلول تسهّل عليه حياته، واستمتعت ببناء استراتيجيات تعزز الثقة بالعلامة التجارية. والأجمل، إنها كانت فرصة أتعلم فيها من ناس محترفة وتفتح لي باب لتجارب أكبر

مهارات انكشفت

اشتغلت مع فئات متنوعة، من مصابي الضغط والمهتمين بالصحة إلى العناية بالطفل والبشرة، وهنا بدأت أستوعب فعليًا من وين اكتسبت مهاراتي. عملي في صيدلية إلكترونية تابعة لأحد أكبر المستشفيات في السعودية علّمني مهارات عميقة بالتسويق الرقمي — من تحسين الظهور في محركات البحث، الوصول للجمهور المستهدف، وبناء خطط تسويقية لكل منصة.
وأفتخر اليوم بحصولي على شهادة تسويق احترافية من جهة معتمدة عالميًا، عززت خبرتي وثقتي في مجالي

وراء الكواليس

في كل مشروع أبدأ بالفكرة أو الحدث اللي نبني عليه، بعدها أركز على الفئة المستهدفة وأصمم لهم هوية تعبّر عنهم. أحدد الأسلوب اللي يعكس روح العلامة التجارية، وأخطط المحتوى المناسب لكل منصة. بعدها أربط بين الإعلانات المدفوعة والمحتوى الغير المدفوع عشان نخلق رحلة سلسة للعميل بدون تشويش. حسب هدف العميل، سواء توعية، مبيعات، أو ولاء، أكتب وأخطط لكل نقطة تلامس جمهوره. وشغلي ما يوقف هنا، أتابع النتائج بتقارير دورية تساعدني أطور وأحسّن، عشان أضمن إن العلامة تظهر بأفضل صورة بشكل مستمر

من الفكرة للتنفيذ

هنا شاركت مقتطفات من حملاتي في اليوم الوطني ويوم التأسيس، لأن الهوية الوطنية بالنسبة لي جزء مهم من بناء علاقة العلامة التجارية مع جمهورها

في اليوم الوطني 94، وظّفت فكرة بسيطة لكنها فعّالة: ربط الرقم 94 بالعروض التسويقية. النتيجة؟ مبيعات ارتفعت بأكثر من 200% خلال شهر كامل. بعد انتهاء العروض، أضفنا خصم 20% للعملاء اللي ما لحقوا، وهذا زاد ولاءهم للعلامة.

في يوم التأسيس، اعتمدت على البساطة والوضوح. كتابة خفيفة، هدف واضح، عرض مباشر — والنتيجة؟ 73% من العملاء استفادوا من العروض بكل سهولة. التجربة علّمتني إن البساطة مع التخطيط الذكي تصنع أثر كبير

اكتشفت إن الصيدلية الإلكترونية ما هي بس مكان لبيع الأدوية، بل منصة تخدم جمهور واسع، خصوصًا المهتمين بالعناية بالبشرة. ركزت على اختيار المنتجات الأنسب لكل نوع بشرة — دهنية، جافة، مختلطة، وحساسة — وبهالخطوة نجحنا في رفع مبيعات قسم العناية بالبشرة بشكل ملحوظ، وبدون حتى استخدام عروض ترويجية، فقط من خلال الاعتماد على موثوقية العلامة التجارية وأسعارها المنافسة.

النتيجة الأجمل؟ شريحة كبيرة من المهتمين بالعناية بالبشرة صاروا يتابعون قنوات التواصل الاجتماعي للعلامة، وهذا عزز حضورنا الرقمي وزاد ارتباطهم بالعلامة التجارية

مثل ما ذكرت، التسويق الرقمي ما هو بس إدارة حسابات السوشال ميديا. واحدة من أهم الاستراتيجيات اللي ركّزت عليها كانت تحسين ظهور العلامة التجارية في محركات البحث. اشتغلت على تحسينعدة صفحات في الموقع الإلكتروني من خلال البحث وتحليل الكلمات المفتاحية، والنتيجة؟ زيادة في الظهور بنسبة 70%. هذي الخطوة كانت أساسية في رفع الوعي وتعزيز قرار الشراء عند العميل

من خلال عملي على أنظمة الـCRM، قدرت أبني حملات مخصصة تلامس احتياجات العملاء في كل مرحلة من رحلتهم مع العلامة التجارية. اشتغلت على إعداد حملات إيميلات، إشعارات، ورسائل موجهة بدقة بهدف تعزيز التفاعل والولاء. حرصت دائمًا إن كل رسالة توصل في الوقت الصح وبالطريقة الصح، والنتيجة كانت زيادة ملحوظة في تفاعل العملاء وتحسين تجربة المستخدم بشكل عام. بالنسبة لي، الـCRM ما هو بس أداة تقنية، هو مساحة لبناء علاقة حقيقية وطويلة المدى مع العميل.

اعتمادي الاحترافي

صرت محترف تسويق رقمي، بشهادة موثقة من Digital Marketing Institution، واللي تعتبر جهة معتمدة عالميًا في مجال التسويق الرقمي. هذي الشهادة ما كانت مجرد إنجاز ورقي بالنسبة لي، لكنها محطة مهمة طوّرت فيها مهاراتي بشكل عملي — من إدارة الحملات وتحليل البيانات، إلى بناء استراتيجيات طويلة المدى، وصناعة محتوى مؤثر يخدم أهداف العلامة التجارية. اليوم، أقدر أقول بكل ثقة إن خبرتي معززة بأساس علمي واحترافي معترف به عالميًا

تواصل معي

+96655878433

k.alduaydi@gmail.com